Foireann na hÉireann

Baile
Expo 2020
Foireann na hÉireann

De bharr cur chuige Fhoireann na hÉireann tá Ranna Rialtais agus Gníomhaireachtaí Stáit ag obair go dlúth le Páirtithe Leasmhara Éireannacha eile chun ár gcáil idirnáisiúnta a neartú agus chun forbairt trádála, turasóireachta, infheistíochta, eolaíochta, teicneolaíochta agus nuálaíochta, cultúir agus oideachais a chur chun cinn. Gach uile lá, tá Foireann na hÉireann ag obair thar lear, le cúnamh foirne tacaíochta sa bhaile, chun deiseanna nua d’Éireann a aithint agus leas a bhaint astu.

Is ardán mór d’Fhoireann na hÉireann é Expo 2020. Tá an Roinn Gnóthaí Eachtracha ag obair le Ranna Rialtais, Gníomhaireachtaí Stáit, gnó, ealaíon agus cultúir, an saol acadúil agus na tionscail chruthaitheacha chun láithreacht tionchair na hÉireann a chinntiú.

Beidh ról mór ag Ranna Rialtais, Gníomhaireachtaí agus páirtithe leasmhara Éireannacha eile in Éire@Expo, trí láithreoireachtaí buana ag Pailliún na hÉireann, rannpháirtíocht i seachtainí ábhartha théamacha an Expo, straitéisí tiomnaithe cumarsáide don Expo, imeachtaí spriocdhírithe ag Pailliún na hÉireann a óstáil, go minic ag an am céanna le seónna trádála móra ar siúl in Aontas na nÉimíríochtaí Arabacha, agus imeachtaí comhoibríocha le rannpháirtithe idirnáisiúnta eile a óstáil.

Is é príomhghné de rannpháirtíocht na hÉireann leis an Expo ná freastal agus rannpháirtíocht na nAirí thar na sé mhí.

Tá Bord Bia ag obair le foireann Phailliún na hÉireann chun an chuid is fearr de bhia agus de dheoch na hÉireann a thaispeáint le linn 6 mhí an Expo, lena n-áirítear imeachtaí a chruinneoidh na ceannairí is fearr, úinéirí óstáin agus bialainne agus tionchairí le chéile.

Díreofar aird go háirithe ar an tseachtain théamach Bia, Talmhaíocht agus Slite Beatha ag Expo agus beidh príomhsheó trádála Gulfood socraithe ag an am céanna. Beidh deiseanna cainte suntasacha ag ionadaithe bia agus talmhaíochta na hÉireann le linn an ama seo. Turasóireacht

Beidh cuairteoirí in ann ‘An Cnaipe Glas a Bhrú’ le Turasóireacht Éireann ar feadh na sé mhí ag Pailliún na hÉireann agus níos mó a fhoghlaim faoi radhairc, chultúr agus dhaoine na hÉireann. Beidh roinnt imeachtaí dírithe ar thurasóireacht agus ar thionscnaimh cumarsáide le linn an Expo.

Soláthróidh an tseachtain théamach Taisteal agus Nascacht ag Expo fócas breise ar Éirinn mar cheann scríbe taistil.

Tabharfaidh Fiontraíocht Éireann (FÉ) cuideachtaí Éireannacha chun tosaigh le linn an Expo. Taispeánfar sócmhainní closamhairc a léiríonn barr feabhais cuideachtaí, seirbhísí agus táirgí Éireannacha laistigh den Phailliún.

Atosóidh Fiontraíocht Éireann ar mhisin trádála chuig an réigiún tar éis Covid, lena n-áirítear chuig WETEX, Dubai Airshow agus Arab Health, agus bainfidh sí úsáid as láithreacht na hÉireann ag Expo le himeachtaí gnó agus taispeántais ar an láthair. Beidh feachtas cumarsáide ag FÉ dírithe ar Expo freisin.

Leagfar béim ar Éirinn mar áit le staidéar a dhéanamh, le comhoibriú le taighde agus le nuálaíocht a dhéanamh le linn 6 mhí an Expo trí chuairteanna, seimineáir agus imeachtaí líonraithe sa Phailliún agus aithisc ar fud shuíomh an Expo.

Beidh sé seo á stiúradh ag an Roinn Breisoideachais agus Ardoideachais, Taighde, Nuálaíochta agus Eolaíochta (DFHERIS) agus beidh baint ag Oideachas in Éirinn (EII), earnáil Tríú Leibhéal na hÉireann, Fondúireacht Eolaíochta Éireann (FEÉ) agus aonáin eile ar fud na hÉireann leis.

Beidh seachtain théamach an Eolais agus na Foghlama ina tréimhse lárnach do theachtaireacht staidéir, taighde agus nuálaíochta na hÉireann ach cuirfidh go leor seachtainí théamacha eile deiseanna ar fáil laistigh de shainréimsí áirithe. Cuirfidh ár dtaispeántas ‘Is Sinne na Déantóirí’ (We are the Makers) samplaí d’eolaithe agus nuálaithe Éireannacha mór le rá i láthair.

Beidh sócmhainní closamhairc á gcur ar fáil ag GFT Éireann ar an scéal agus ar an tairiscint IDC a thaispeánfar i bPailliún na hÉireann chomh maith le tús a chur le feachtas fócasaithe cumarsáide sa réigiún a bheidh ann ag an am céanna leis an Expo.

Beidh deiseanna soiléire ann chun dul i dteagmháil le cuideachtaí idirnáisiúnta le linn imeachtaí gnó cuí laistigh den Expo agus ailínithe le Expo, lena n-áirítear ‘Arab Health’.

Idir thaispeántas an Pailliúin ‘Is Sinne na Déantóirí’ (We are the Makers) agus na héadaí a bheidh ar fhoireann Expo na hÉireann a chaitheamh, beidh Comhairle Dearaidh agus Ceardaíochta na hÉireann ag taispeáint samplaí de chaighdeán dearaidh agus ceardaíochta na hÉireann.

Reáchtálfaidh Líonra Gnó na hÉireann Dubai (IBN), ag obair le hAmbasáid na hÉireann chuig an Aontas na nÉimíríochtaí Arabacha, gníomhaireachtaí na hÉireann agus foireann Expo na hÉireann, sraith imeachtaí gnó ar fud an Expo.

Beidh fócas earnála éagsúla ag gach ceann acu a bhaineann leis na deiseanna sa réigiún agus le téamaí an Expo. Beidh fóram réigiúnach á reáchtáil ag an Líonra Gnó na hÉireann Dubai freisin i bPailliún na hÉireann san earrach, ag tabhairt cuireadh do ghrúpaí gnó Éireannacha ar fud na Murascaille.

Beidh an Pailliún ina óstach freisin ar thaispeántas grianghrafadóireachta a dhíreoidh aird ar an méid a chuir pobal na hÉireann le teacht chun cinn Dubai mar mhór-mhol idirnáisiúnta.